السيد البنا أسطورة البرلس - رحمة الله - من عصر الرجال

يحكي الأستاذ ربيع قطب بهوت عنه فيقول
رحمه الله رحمة واسعة كان مضرب المثل فى المستحيلات كنا نعجز انفسنا فى عمل شيئ صعب فنقول لو انت السيد البنا افعل كذا ...وهكذا
اتذكره مره واحدة فى حياتى لا تفارق خيالى كنت فى بلطيم مع عمى محمد سنة٧١ وكان فيه عربية كارو وعاوزين يحملوا عليها برميل جاز ابيض وتجمع مجموعة من الرجال لرفع البرميل دون جدوى ولان الكارو من بلدنا فلم نتركه ولما رأى عمى السيد البنا داعبه وقاله تعالى يا عم السيد ورينا الفتونة قاله متفضحناش يا محمد فحكى له عمى حكاية الرجالة اللى حاولوا رفع البرميل وقاله احنا هنشيل من ناحية وانت من ناحية
والله العظيم قبل ما يتجهوا ناحية البرميل كان شاله لوحده وحطه على العربية الكارو دون عناء
دى رؤى عين كان عندى عشر سنين